స్వామి వివేకానంద స్పూర్తి వచనాలు, సామాన్యమైన సూక్తులు కావు. వాటిలో ప్రతి అక్షరానికి అక్షయమైన శక్తీ ఉంది. అవి వ్యక్తుల దౌర్బల్యానికి, ఆత్మన్యూనతా భావాన్ని పటాపంచలు చేస్తాయి. చదివిన ప్రతిసారి మనలో నూతన ఉత్తేజాన్ని నింపే ఆ వచనాస్త్రాలు మన దృక్పధాన్ని మారుస్తాయి. స్వామి వివేకానంద స్పుర్తివచనాలను అద్యయనం చేయడానికి, వాటిలోని తత్వాన్ని ఆకళింపు చేసుకుని, కొంతైనా ఆచరించడానికి వీలుగా, ఈ పుస్తకంలోని ప్రతి పుట మలచబడింది.

ద్విభాషా పుస్తకాల క్రమంలో వస్తున్న పుస్తకం ఇది. పాటకులకు స్వామి వివేకానంద భోదనలను సంక్షిప్తంగా పరిచయం చేయడానికి ఈ పుస్తకం ఉద్దేశింపబడినది. స్వామిజీ ధీర వాక్కులను మూల భాషలోనూ (ఆంగ్లంలో), మరియు తెలుగు అనువాదంతో సహా ఇవ్వడం వల్ల వాక్యం చక్కగా అర్ధమవుతుంది. ఈ పుస్తకంలో ఒకే విషయానికి సంబంధించిన స్పూర్తి వాక్కులన్నింటిని ఒక శీర్షిక క్రింద కూర్చడం జరిగినది. వరుసలోని ప్రతి సూక్తి క్రితం పేజిలోని సూక్తిని బలోపేతం చేస్తుండటం వలన పాటకుడు ప్రతి సూక్తినీ చక్కగా అర్ధం చేసుకోవడానికి వీలుంది. కొన్ని భావాలు, సూక్తులు అక్కడక్కడ పునరావృతమై ఉండవచ్చు. స్వామి వివేకానంద సూక్తుల నుంచి అధిక ప్రేరణ పొందటానికి పాటితులకు ఈ పుస్తకం ఉపయుక్తం అవుతుందని భావిస్తాము.